domingo, 18 de xuño de 2017

Obradoiro Charo Pita







Fai uns días, os nosos voluntarios recibiron a visita de Charo Pita como recoñecemento a súa labor na biblioteca durante este curso. Impartíronlles un obradoiro de expresión e narración oral e escrita e como podedes comprobar pasáronno en grande.

Non temos máis que palabras de agradecemento para Charo, pola súa enerxía e a súa alegría. Aprendemos moito e non dubido que os nosos voluntarios poñerán en práctica todos os consellos recibidos para converterse en contadores de historias. Tamén aproveitamos para agradecer á Asesoría de Bibliotecas o seu recoñecemento ao traballo dos nosos voluntarios e darnos a oportunidade de disfrutar dunha xornada tan marabillosa como esta.

venres, 16 de xuño de 2017

Recomendación para o verán

Xa estamos a piques de rematar o curso e dende o equipo da biblioteca non queríamos desaproveitar a ocasión para recomendarvos algúns tituliños de cara o verán. Desexamos que disfrutedes moitos destas merecidas vacacións e que, na praia ou na montaña, na cidade ou na aldea non deixedes de desfutar da marabillosa experiencia de ler un libro. Saúdos e vémonos á volta!



venres, 2 de xuño de 2017

A nosa Falconteca

Despois dun ano de duro traballo, queremos presentarvos o novo aspecto da nosa Falconteca. Esperemos que sexa do voso agrado e que a nosa biblioteca poida seguir medrando coas vosas aportacións e suxerencias.


venres, 26 de maio de 2017

Contacontos Día das Letras Galegas

Hoxe recibimos a visita dunha contacontos que nos relatou de xeito moi divertido o conto "A galiña azul" de Carlos Casares. Esperamos que fose de voso agrado.

video

mércores, 24 de maio de 2017

Enquisa para o alumnado

A piques xa de rematar o curso, agradecémosvos que cubrades esta pequena enquisa sobre o funcinamento da biblioteca e sobre os vosos hábitos de lectura. Xa sabedes que estamos abertos a calqueira suxerencia que axude a mellorar a biblioteca e os servizos prestados pola mesma. Moitas grazas pola vosa colaboración. O Equipo da Biblioteca

martes, 23 de maio de 2017

Enquisa para o profesorado

A piques de rematar un novo curso escolar, pedimos a vosa colaboración para coñecer o grado de satisfacción cos diferentes servizos que oferta a biblioteca e para que coas vosas opinións e suxerencias poidamos ir mellorando pouco a pouco.

Moitas grazas

O Equipo da Biblioteca


venres, 28 de abril de 2017

Semana do Libro na Falconteca

Ao longo desta semana os nosos alumnos voluntarios convertéronse en padriños e madriñas lectoras e agasallaron aos máis pequenos coas lecturas dos seus libros favoritos no tempo de lecer. E como mostra aquí vos deixamos as imaxes desta actividade.