luns, 26 de marzo de 2018

Semana da Poesía!!

Que ben o pasamos estes días durante a Semana da Poesía!!!

Dende o Equipo da Biblioteca e o Voluntariado de Lectura agradecémosvos a vosa participación e as ganas postas nesta actividade. Esperamos que vos gustase e seguiremos preparando cousiñas para acercarvos ao mundo dos libros.

Deixámosvos unha pequena mostra do realizado ao longo desta semana.


xoves, 22 de marzo de 2018

E as nosas recomendacións lectoras son.....

Boas Falconciños,

Xa non queda nada para as vacacións e de seguro que moitos de vós xa estades a preparar a maleta para saír de viaxe coa familia.

Dende o Equipo da Biblioteca, esperamos que reservásedes un espazo nesa maleta para un par de libros e si se vos presentan dúbidas á hora de escollelos aquí vos deixamos unhas recomendacións.

Desfrutade das vacacións, que en nada estamos de volta!



venres, 16 de marzo de 2018

Semana da Poesía no Ramón Falcón...

Un ano máis, o Voluntariado de Biblioteca pon en marcha a actividade “Contrasinais Poéticas” para conmemorar a Semana da Poesía.
Como a maioría sabedes, é necesario memorizar a contrasinal do día indicado para poder saír o recreo (tanto da mañá como da tarde). Os voluntarios estarán esperándovos para preguntarvos na porta das vosas aulas para preguntarvola.
Ao final da semana se fuchedes quen de memorizar todas as contrasinais recibiredes un agasallo.


xoves, 15 de marzo de 2018

Charlas sobre seguridade na rede

Onte recibimos a visita de Ramón, membro da Garda Civil, dentro do Plan Director, que lle explicou ao alumnado de 5º e 6º os perigos da rede.

Máis concretamente falounos dos xogos en rede, comunidades de xogo, contrasinais, qué datos compartir e cómo.

O noso alumnado aproveitou moitísimo esta xornada, onde puideron solventar dúbidas e recoñecer a importancia de comportarse de xeito seguro na rede.




luns, 12 de marzo de 2018

Celebramos o Día da Muller

Esta semana tivemos a sorte de contar coas irmás, nais, avoas e bisavoas do noso alumnado no centro. Non só nos demostraron que son capaces de aprendernos moitas cousas, tamén nos fixeron pasar momentos inesquecibles co gancho, coa música, contando contos, facendo repostería, coas súas historias.... Dende este espazo, queremos mostrarlles o noso agradecemento e cariño, xa que sen elas, a vida non sería o mesmo. Esperamos poder seguir contando con todas vós e coas vosas experiencias e consellos; nós estaremos encantado de volver a recibirvos.

E para que vexades o ben que o pasamos aquí vos deixamos uns exemplos




Aquí vos deixamos unha pequena mostra do fíado de lá coa avoa de Samuel e Diego.

 

 Andrea e a súa irmá Sandra amenizaron este día tan especial coa súa música.

 

A avoa de Emma agasallounos con este marabilloso conto.






xoves, 8 de marzo de 2018

Visita a Biblioteca Pública Nodal de Lugo

Dentro do noso programa de formación de usuarios, os nosos voluntarios de 5º e 6º , acudiron a Biblioteca Pública Nodal de Lugo.

Ademais de coñecer as diferentes salas e como funcionan os empréstitos e as devolucións, os noso alumnos tiveron a oportunidade de recibir o seu carné de socio da biblioteca e acceder a plataforma GaliciaLe que lles permitirá acceder a moitos máis recursos dos que posúen na actualidade.


martes, 6 de marzo de 2018

A brigada contra incendios visita a Falconteca

Esta semana, visitounos a brigada contra incendios e despois dunha pequena formación na biblioteca, na que nos explicaron a importancia de evitar os incendios nos montes e de cómo facelo, ademais de coñecer a fauna e a flora que nos arrodea, fixéronnos unha demostración práctica dos seus cometidos na loita contra os incendios.

Os nosos alumnos, tamén tiveron a oportunidade de subir as motobombas, e sentirse bombeiros por un día.